Fljótamót 2017

Fljótamót 2017

Duration: 4 hours / Difficulty: Easy

Fljótamót 2017 - Skíðagöngumót fyrir alla fjölskylduna

Ferðafélag Fljóta stendur fyrir árlegu skíðagöngumóti í Fljótum, Föstudaginn langa þann 14. apríl 2017. Gengnar verða fjölbreyttar gönguleiðir við allra hæfi, með hefðbundinni aðferð í öllum flokkum barna, unglinga og fullorðinna. Skorað er á alla fjölskylduna unga sem aldna að taka nú fram skíðin og skrá sig til leiks í þessu skemmtilega móti í gömlu höfuðbóli skíðaíþróttarinnnar. 

Keppnin: Keppt verður í 20 km í karla og kvennaflokki á aldrinum 16-34, 35-49, 50-59 og 60 ára og eldri. Í vegalengdunum 5 km og 10 km verður keppt í karla og kvennaflokki 16 ára og eldri. Einnig verður keppt í flokki drengja og stúlkna í vegalengdunum 5 km og 10 km á aldrinum 12-15 ára, 2,5 km fyrir 6-11 ára og 1 km fyrir 3-5 ára. Nánari upplýsingar veita Birgir Gunnarsson mótstjóri 897 3464 og Björn Z. Ásgrímsson 897 4979. 

Mótsgjald er 3.000 ISK fyrir 16 ára og eldri en 1500 ISK fyrir börn ef greitt er fyrir 31. mars.   

Innifalið í mótsgjaldi eru veitingar að keppni lokinni í félagsheimili Fljótamanna, Ketilási. Einnig fer fram veglegt happadrætti að verðlaunaafhendingu lokinni, þar sem dregið verður úr rásnúmerum keppenda. Yngri keppendur fá páskaegg að keppni lokinni. Veitingasala er í boði fyrir gesti mótsins. 

Greiðslur og mótsgjald: Allar greiðslur fara í gegnum greiðslusíðu Borgunar og tekið er á móti Visa og Mastercard kortum. Ef þátttaka er skráð fyrir 31. mars er þátttökugjald 3000 ISK fyrir fullorðna og 1500 ISK fyrir börn.  Þáttökugjald hækkar í 4000 ISK fyrir fullorðna og 2000 ISK fyrir börn tveimur vikum fyrir mót, eða frá og með 31. mars.  

Bókanir: Um leið og kaupandinn hefur lokið við kaup á miðum mun hann fá sent bókunarform með öllum upplýsingum um bókunina. Nauðsynlegt er að prenta þetta blað út og hafa meðferðis þegar keppnisnúmer eru sótt til sönnunar um að miðar hafi verið pantaðir á netinu og að greitt hafi verið fyrir þá.


Afbókunarskilmálar: Þáttökugjald er ekki endurgreitt ef hætt er við þátttöku. 

Breytingar á bókunum: Ef þátttakendur óska eftir að breyta vegalengdum þá er hægt að senda beiðni um það á ferdafelagfljota@gmail.com

Keppni aflýst eða breytt:  Ef svo ólíklega vill til að fella þurfi gönguna niður fyrirfram hefur mótshaldari heimild til að halda eftir 50% af skráningargjaldinu til að mæta kostnaði við mótshaldið. Ef gangan er færð til á sama degi eða til næsta dags er ekki um endurgreiðslu að ræða. Ef ákveðið er að halda göngunna á öðrum stað á sama tíma, eða að keppni verði hætt og hún haldin síðar, eða ef hún er flutt á annan stað á öðrum tíma eða hún stytt, verður þátttökugjald ekki endurgreitt.  Ef göngunni er aflýst daginn sem að keppnin á að fara fram vegna veðurs eða af öðrum „force major“ aðstæðum, heldur mótshaldari skráningargjöldunum.

Almennir skilmálar: Ferðafélag Fljóta áskilur sér þann rétt að breyta þessum skilmálum hvenær sem er.  Ef einhverjar spurningar vakna þá vinsamlegast hafið samband við Ferðafélag Fljóta ferdafelagfljota@gmail.com eða í síma 862-8781.


Ferðafélag Fljóta
Heimilisfang: Brúnastaðir 570 Fljót 
Kennitala: 510314-1150
Sími: 8628781 og 8974979
Netfang: ferdafelagfljota@gmail.com


Book now

Loading...